იქიდან აქამდე ...

"სიყვარულიდან სიძულვილამდე მართლა ერთი ნაბიჯი ყოფილა" -ვთქვი და ...
სიყვარულია, როცა ვერასდროს ვერ იძინებ მასზე ფიქრის გარეშე ...
სიყვარულია ალბათ, მის კისერზე სუნი, რომ ყველანაირ არომატს გირჩევნია და მაშინაც კი სულ გრძნობ, როცა შენთან არაა...
სიყვარულია, მისი ყველაფერი რომ გიყვარს...
ისიც სიყვარულია, როცა გეშინია ამ ყველაფრის თქმა და გამოხატვა და სრულიად საპირისპიროდ იქცევი. ანუ გამოდის, რომ პირიქით ყოფილა: "სიყვარული შეიქმს შიშს"...
სიძულვილი ზუსტად და კონკრეტულად ვიცი, რასაც უნდა ნიშნავდეს...
სიძულვილია იმედგაცრუებით გამოწვეული სურვილი, რომ აღარასდროს დაინახო ცხოვრებაში და ერთი სული გაქვს მისი სახეც, სუნიც და არაადეკვატური საქციელებიც გადაგავიწყდეს...
გამოდის, რომ სიყვარულიც ვიცი და სიძულვილიც...
გამოდის, რომ სიყვარულიდან სიძულვილამდე მართლა ერთი ნაბიჯია...